OweBucs ukhuthaze ozakwabo bephunyula
ISETHENJWA se-Orlando Pirates, uVincent Pule, siqinisa idolo ozakwabo emuva kokuhluleka ukuqoqa amaphuzu agcwele ngempelasonto.
IPirates ibambane neCape Town City emdlalweni weDStv Premiership eKapa ngoMgqibelo ntambama. Bekungokwesine emidlalweni eyisithupha yeligi iPirates ihluleka ukuwina kusukela kuqale isizini ka-2020/2021. EZimnyama bezinethemba lokuqoqa amaphuzu amathathu emuva kwezinsuku ezimbalwa zibanjwe yiBaroka.
UPule, oshaye womabili amagoli ePirates, uthe uyabethemba ozakwabo.
“Badlale kahle abafana, silisebenzele kanzima leli phuzu. Emizuzwini engu-20 yokuqala bekufanele sishaye amagoli amaningi. Kodwa silwe kanzima ukuze sibuye (sesilandela ngemuva). Sinesikwati esihle, sinamabutho, sinamasosha. Ngakho kufanele siqhubeke nokulwa. Kukhona okuzokwenzeka. Kuningi okuhle okwenzekile. Siyawakha amathuba ngakho sidinga nje ukuwasebenzisa. Sidlala kahle kakhulu,” kusho uPule.
IPirates esayinise inqwaba yabadlali. Ingelinye lamaqembu angakahlulwa kusukela kuqale isizini. Isendaweni yesithathu kwi-log ngamaphuzu angu-10 emuva kwemidlalo eyisithupha.
Umqeqeshi, uJosef Zinnbauer, uhambe emazweni kaPule wakhala ngokuhlulwa ngamathuba kwabafana bakhe. ntambama eMoses Mabhida Stadium eThekwini. Leli yithuba lokuqeda isomiso seminyaka kubadlali bePirates elokhu yagcina ukuwina indebe ngo-2014 iphakamisa iNedbank Cup emuva kokuhlula iBidvest Wits khona eMabhida. Kukuyona le nkundla lapho iCeltic yawina khona iTelkom Knockout ngo-2012 ihlula iMamelodi Sundowns.
“Manje sesizogxila emdlalweni wangoMgqibelo. Wumdlalo wamanqamu. Sizokwenza konke okusemandleni ukuze siwuwine,” kusho uZinnbauer.