Sesibanjwe wuSathane kulolu gibe lwe-ANC
MHLELI: Kunezinto ezike zikuvulise umlomo noma uthi awuthandi ukukhuluma. Uma uKhongolose eyiqembu labantu, bakubiza ngani lokhu okusesithombeni? Kungani bangamakheli indlu lo gogo omdala kangaka?
Babona isikibha seqembu labo kuyisona esingamenza aphile impilo ejabulisayo nehloniphekile?
Zonke izinto ezenzeka kuleli lizwe ziwumthelela wendlela uKhongolose nombutho wabesifazane wawo obusa ngakhona.
Leli qembu lidunga ingqondo yabantu abasha baseNingizimu Afrika ngokubakhombisa inkululeko ngisho noNkulunkulu angazange wayethembisa abantwana base-Israel.
Bathumela umyalezo ongcolile ezinhliziyweni zabantu abasha bakuleli.
Yisono se-ANC sonke lesi salezi zingane ezigcwele emgwaqweni ezidla izidakamizwa.
Sikhathele futhi siyafisa ukuphunyuka kulolu gibe lwe-ANC kodwa sesibanjwe wukuthi uSathane unamandla.
Thandanani Manqele