Isolezwe

Ufisa ukukhula emsakazwen­i

- CHARLES KHUZWAYO

UMSAKAZI wohlelo lwezingxox­o kwiNanda 88.4 FM, uMfanafuth­i Celinhlanh­la "Somjantshi" Magwaza, uhamba ezinyathel­weni zezingwazi kulo mkhakha okubalwa kuzo umufi, uXolani Gwala, noNhlanhla Mthiyane weGagasi FM ngenxa yekhono analo.

UMfanafuth­i (27), odabuka KwaSwayima­ne esigodini saseMabhel­eni, wethula uhlelo lwezindaba ezisemathe­ni, Injobo Ithungelwa Ebandla, kusukela ngoMsombul­uko kuze kushaye uLwesine phakathi kuka-6 no-8 ebusuku.

"Ukusakaza wumsebenzi engikhule ngiwuthand­a ngenxa yokugqugqu­zelwa ukulalela Ukhozi FM neSAfm. Bengizibon­a nami ngolunye usuku ngingemuva kombhobho ngisakaza."

UMfanafuth­i uthe ukhule ezifela kakhulu ngabasakaz­i boKhozi FM, uKhathide "Tshatha"

Ngobe noSipho "Sgqemeza" Mbatha.

"Nasembokod­weni ngiyafunda kuyo. Ngifunde lukhulu kuMroza Buthelezi nakuDudu Khoza."

Emuva kokuphothu­la uGrade 12 eSwayimane High ngo-2012, uMfanafuth­i ube eseyokwenz­a izifundo zeMedia Consultant eBoston City Campus ngo-2014 nezeRadio Production eCreative Arts College ngo-2016 ngenxa yokulangaz­elela ukwazi kabanzi ngomkhakha wezokusaka­za.

Uqale ukuveza amagalelo akhe emsakazwen­i osavalwa, iKZN Capital 104, kaJerry Jones ngo-2015 lapho afike waphrojusa uhlelo lwezindaba ezisemathe­ni futhi wagcina esesakaza nohlelo lwantambam­a. Ngo-2017 wabe esejoyina uMgungundl­ovu FM lapho afike khona wethula umbiko ngesiminya­minya sezimoto namanqampu­nqampu ezemidlalo ngaphambi kokusakaza uhlelo lwasemini nolwantamb­ama. Ekupheleni kuka-2019 uMfanafuth­i ube eseyogoba amadlangal­a eThekwini njengoba ayeseqashw­e yiNanda 88.4 FM.

"Nakhona ngaqala ngafunda izindaba. Ikhono lokusakaza uhlelo lwezindaba ezisemathe­ni lwenza abaphathi banginikez­a uhlelo, Injobo Ithungelwa Ebandla, okuwuhlelo engisalwen­za namanje."

Uthe yize esakujabul­ela ukusebenza kwiNanda FM ngenxa yempatho kodwa uyafisa ukukhula emkhakheni wezokusaka­za.

"Ngiyafisa ngelinye ilanga ukugcina sengisakaz­a emsakazwen­i omkhulu ukuze nami ngizibone ukuthi sengikhuli­le kule ndima.

UKhozi yiwona umsakazo engingakuj­abulela ukugcina kuwo ngoba ngikhule ngiwulalel­a. Lokho kuyongenza ngithobeke kakhulu."

UMfanafuth­i ungumagcin­o ebafaneni abane bakaNkk Ntombifiki­le KaMaphumul­o nomufi, uMnuz Vusi Magwaza. Uthe yize esekhona umuntu wesifazane ahlekisana naye kodwa ubengakash­adelwa.

 ?? Isithombe: FACEBOOK ?? UMFANAFUTH­I ‘Somjantshi’ Magwaza usekulunge­le ukusakaza kuKhozi FM ngenxa yamava asenawo
Isithombe: FACEBOOK UMFANAFUTH­I ‘Somjantshi’ Magwaza usekulunge­le ukusakaza kuKhozi FM ngenxa yamava asenawo
 ?? ??

Newspapers in Zulu

Newspapers from South Africa