Imvunge ‘kususwa’ izilo zakwaZulu
kangaka izindawo edolobheni, yini bakhethe le?”
Kuthintwa okhulumela ihhovisi leSilo, uMntwana Thulani Zulu, uthe kulungile umasipala wenze akuthandayo.
“Ngesikhathi besifaka abazange basitshele lutho, namanje njengoba sebesikhipha abazange basitshele lutho. Ngokubuka kwami, benza abakuthandayo.
“Angithi vele thina asinakiwe, akwaziwa noma sikhona. Mhlawumbe lena iyona ndlela uhulumeni abusa ngayo.”
Lolu daba lunenge ngisho amaqembu ezepolitiki.
I-ABC ibambe umbhikisho eduze kwalesi sikhangiso, lapho ibifuna khona ukuba kubuyiselwe isikhangiso sezilo zakwaZulu.
Umgcinimafa we-IFP, uMnuz Narend Singh, uthe kuyaxaka ukuthi kungani umasipala ukhethe ukufaka isikhangiso sawo lapho bekukhona isikhangiso sezilo zakwaZulu ekubeni ziningi kangaka izindawo obungakhetha kuzona.
Okhulumela uMasipala waseThekwini, uMnuz Msawakhe Mayisela, echaza ngalesi sinyathelo, uthe indawo okukhishwe kuso isikhangisi sezilo ngeyokukhangisa noma ngubani futhi isikhangisi sibekelwa isikhathi. Uthe isikhangisi sezilo bese siphelelwe yisikhathi.
UMayisela uthe bayabuhlonipha ubukhosi bakwaZulu nendlunkulu.
“Ngaphambi kokuthi kufakwe isikhangiso sezilo zakwaZulu, bekukhona isikhangiso salabo ababengomengameli be-ANC. Ngesikhathi sesisuswa leso sikhangiso akuzange kube nomsindo.”
Uthe nalesi esifakiwe manje sizosuswa uma sesiphelelwe yisikhathi.
I-ANC KwaZulu-Natal isivikele isenzo sikamasipala.
Okhulumela le nhlangano esifundazweni, uMnuz Nhlakanipho Ntombela, usole amaqembu ezepolitiki ngokudlala ipolitiki eshibhile.