UMinnie wabikezela ngokuphela komshado wabo
UMINENHLE "Minnie" Dlamini, uhlukanisa nje nobengumyeni wakhe, uQuinton Jones, lo methuli weHomeground kwiMzansi Magic, uke wakuveza nyakenye ukuthi kunzima kulo mshado.
"Umshado awulula futhi kunezikhathi eziningi ebesifuna ngazo ukushiya kodwa izinsuku ezifuze lezi zisikhumbuza ngesithembiso esasenza omunye komunye. Ngiyakuthanda baba kaNetha," kwakubhale uMinnie kwiTwitter ngesikhathi begubha ukuqeda iminyaka emine babopha ifindo lomshado. NgoMeyi 5, 2018, uMinnie wahlaselwa yizigebengu ezamphuca indandatho yomshado.
Yize begcine ngoLwesibili bethathe isinqumo sokumemezela ngokwehlukanisa kwabo kodwa bakuvezile esitatimendeni abasibhale ngokuhlanganyela ukuthi bese kuphele iminyaka emibili behlala ngokwehlukana.
Nakuba ubudlelwano nabo bezothando sebuphelile kodwa bathe bazoqhubeka nobungani, ukubambisana emabhizinisini abanawo nasekukhuliseni indodana yabo enguzinyobulala enonyaka. Elinye lamabhizinisi kaMinnie noQuinton ngelokukhiqiza imidlalo yethelevishini namafilimu, iBeautiful Day Productions. Enye yamafilimu ngesihloko sithi neGoodbye
"Eminyakeni emibili eyedlule umndeni wethu ube nesikhathi esimnandi nesokulahlekelwa. Ngaleso sikhathi, besiduduzwa ukuthi siyazi sindawonye."
Bathe bazamile ukubekezelela izingqinamba ebebehlangabezana nazo nokhwantalala kodwa kwagcina kunhlanga zimuka nomoya.
"Emuva kwezinyanga sihlala ngokwehlukana futhi sixhumana nomndeni wethu nomeluleki, sithathe isinqumo sokwehlukanisa ngokusemthethweni. Ngaphandle kokuphela komshado wethu nobudlelwano bethu bezothando kodwa sizoqhubeka nokuba ngabangani nokubambisana emabhizinisini nokuba ngabazali abaqotho endodaneni yethu enhle."
Bathe kube yisinqumo esinzima ukusithatha nesibaphule inhliziyo ukusimemezela.
Babe sebecela ukuba banikezwe ithuba lokwetshisa kahle le sinqumo ngokuthula. UMinnie noQuinton bashada eCape Town ngoSepthemba