UKing Nuba ufuna udumo luhambisane nemfundo
UKUHLALA ebonakala ezinkundleni zokuxhumana ecula futhi edansa nodado, uthi kusuke kungekona nje ukuchitha isizungu kodwa kuwuthando olujulile.
UYamukela King Nuba ongusomahlaya odumile uthweswe iziqu zobuthisha yiWalter Sisulu University ngenyanga edlule. Uveza ukuthi ukuba yiciko nokusebenza nentsha yiwona msebenzi awuzwa egazini.
Ngo-2018, uqale ngokufundela ubuthishela enyuvesi yize egxile kwezobuciko. Ukwethweswa iziqu ze-Adult Basic Education ngo-2020, kwamnika umdlandla wokuqhubeka. Ube esenza iPost Graduate Certificate (PGCert) kwiSenior Phase and FET, nokuyiziqu ebesezithola ngeledlule.
Kuqhamuka amahlaya nomculo nje, ubevele ematasa neziqu zakhe zakhe zobuthishela.
UKing Nuba uthe njengoba eyisilomo ezinkundleni zokuxhumana ufuna kuhambisane nemfundo ukuze aphinde abe yisibonelo esihle.
"Ngiqala, ngangifuna ukungena kwezobuciko ngifundele ukulingisa nokwenza konke okuphathelene nalo mkhakha.
“Kwasho ukuthi abazali abakabi nolwazi kahle ngalo mkhakha, kwala ngisho sengiphendulwa eHoward College, ngabona sengathi akuyona inyuvesi ngoba ngangingenalo kahle ulwazi ngaleso sikhathi," kusho uKing Nuba.
Eqhuba, uKing Nuba uthe uyafisa ukusheshe awuthole umsebenzi ngoba uyakuqonda ukuthi ukuba yiciko kuphela kulesi sikhathi, kudinga ukulekelele ngomunye umsebenzi.
"Imikhakha engikuyo iyahambisana, ngeke ixwayane. Ngizoncenga ngilandele isimo ngokubamba lapho kuvela khona itoho.
"Ngisabhekene nezikweletu zezindleko zesikole okwamanje nokwenza ngibone kungcono ngithole umsebenzi ngaphambi kokuthi ngiphinde ngiqhubeke nokufunda.
“Udumo ngeke lwaphazamisa umsebenzi wami ngoba vele ngisebenza ngabantu," kusho uKing Nuba.
Uveze nokuthi ukufunda ngayedwana ekhaya ngenxa yemigomo yeCovid-19, kube nomthelela omuhle kuye. Lokhu kuze kwamxhumanisa nozakwabo ahlanganisa naye umculo, uKhulubenze.
Amanyuvesi amaningi ebelokhu enandise njalo ngengoma kaKing
Nuba eshisa izikhotha kwezokuxhumana ethi Ummm.
Wathi