Kubanjwe umoya ngabebafana abalimele
IBAFANA Bafana ingase idlale ngaphandle kwabadlali bayo ababili uma isibhekene nerwanda emdlalweni wesibili wokuhlungela indebe yomhlaba lapho izobe idudulana nerwanda ebutare kusasa ngo-3 ntambama.
U-evidence Makgopa nomothobi Mvala balimale ngesikhathi elakuleli liguqisa ibenin ngo 2-1 emdlalweni wokuqala kagroup C obusemoses mabhida Stadium, ethekwini, ngomgqibelo ntambama.
Bobabili laba badlali bawuqalile umdlalo kodwa kudingeke ukuthi bakhishwe ngesiwombe sesibili. Isikhala sikamakgopa sivalwe nguzakhele Lepasa ngomzuzu ka-52, kwangena unkosinathi Sibisi endaweni kamvala ngoka-61.
"Angazi ukuthi isimo sabo sinjani njengamanje, sizobona. Umakgopa ukhahlelwe onyaweni futhi iqakala lakhe livuvukele kancane. Sizobona ukuthi kubi ngempela noma cha. Omunye olimele engikhathazeke ngaye kakhudlwana ngumvala, olimele kwi-groin. Angazi noma uzobe esekulungele yini ukudlala ngolwesibili," kusho ubroos ngemuva komdlalo.
“Sizobona ukuthi izinto zihamba kanjani, ngiyethemba ukuthi bobabili bazolulama ngokushesha ngoba kuzoba nzima ukushintsha iqembu nokubiza abanye abadlali njengoba kumele siye erwanda. Sizobona ukuthi odokotela bathini." Ibafana ihambe izolo ukulibangisa ekigali, erwanda.
Umvala ubengomunye wabadlali abayisithupha bemamelodi Sundowns abaqale lo mdlalo nebenin, ehambisana nozakwabo uronwen Williams, Khuliso Mudau, Themba Zwane, Teboho Mokoena no-aubrey Modiba.
Umqeqeshi webenin, ugernot Rohr, uthe ukuba nabadlali abaningi abadlalela iqembu elilodwa kuyisizile ibafana Bafana.
Nokho, ubroos uthe iqembu lonke lidlale kahle futhi akafuni ukukhetha abadlali beqembu elithile.
"Abadlali besundowns basizile kodwa ngeke ngisho ukuthi sinqobe ngenxa yabo. Iqembu belinabadlali abangu-11 enkundleni. Empeleni sidlale ngabangu-15 namuhla ngoba senze nezinguquko," kusho ubroos.
Uma kwenzeka umakgopa engakwazi ukudlala, ubroos uzobheka abanye abadlali abahlaselayo okubalwa ulepasa, Mihlali Mayambela, no-elias Mokwana nabanye abangadlalanga ngomgqibelo. Kubadlali basemuva kukhona usibisi nothapelo Xoki abangaqala uma umvala engakulungele ukudlala nerwanda.