Udan Dance uxakwa izesheli esezimfuna eseneqembu
UDIDWA ngamaqembu edstv Premiership athi aseqhamuka emeshela ubuthaphuthaphu udan "Dance" Malesela ekubeni kade emzibile ngesikhathi enganalo iqembu aliqeqeshayo.
Umalesela usanda kujoyina ibaroka FC edlala kwimotsepe Foundation Championship ngemuva kokuhlala isikhathi eside engenaqembu.
Ngemuva kokuvela kwezindaba zokuxoshwa kukabrandon Truter kwesokuqeqesha isekhukhune United, kuvele amahebezi okuthi umalesela ubengomunye wabebedingeka ukuzovala lesi sikhala.
Nokho kugcine kungalunganga njengoba kuvela ukuthi leli qembu seliqede konke nolehlohonolo Seema oshiye isigubhukane kwipolokwane City.
Kuthintwa umalesela ngalokhu, ubuze ukuthi likuthatha kuphi leli phephandaba ukuthi ufunwa yisekhukhune?
"Angikwazi okhuluma ngakho. Engingakutshela khona ukuthi njengoba sengiqeqesha ibaroka sekuqhamuka inqwaba yamaqembu ikakhulukazi adlala kwidstv Premiership. Lesi senzo ngisibona njengokudelela ibaroka, nginenkontilela nayo. Ngihlale isikhathi eside ngingenamsebenzi, sekuzothi ngoba sengilapha aseqala ayangifuna. Ngisahleli kwibaroka, ngizohamba sengifeze izifiso zabanikazi bayo," kubeka umalesela ovale isikhala sikastanford Nkoane.
Uvumbuka kwibaroka nje, wayegcine ukubonakala kwimarumo Gallants eyamxosha ngojanuwari. Ufike kwezakwala kwibaroka, ebibalwa namaqembu asemsileni. Manje ikweyesine kwi-log ngaphuzu awu-20, emidlalweni ewu-12. Iqembu lisadlale eyisikhombisa ngaphansi kakhe. Alikadliwa nakowodwa.
Kulesi sibalo unqobe emihlanu, wadlala ngokulingana emibili. Uthe kusesekuseni ukuphawula ngamathuba abo okwenyukela esigabeni esikhulu.
"Le mpumelelo yakamuva ngeyokusebenza kanzima. Nokho kumele sigade ingaphazamisi uhlelo lwethu lokusebenza.
Kuseva ukukala amathuba okwenyukela kwidstv Premiership. Asikakaqedi nomzuliswano wokuqala weligi. Ake siqale sibone ukuthi sizoqala kowesibili sikuphi ne-log.“
Ibaroka iyiqembu lesine elidlala kwimotsepe Foundation eliqeqeshwa umalesela.
Ngo-2013, wafaka i-united FC kowandulela owamanqamu enedbank Cup. Wakhishwa ikaizer Chiefs ngo 2-1.
Ngo-2019, waqopha umlando enqobisa ITS Galaxy lesi sicoco eshaya wona Amakhosi, emoses Mabhida Stadium. Ithe Rockets yayisadlala kwichampionship.
Elinye iqembu elidlala kwimotsepe Foundation eselike lacijwa yilo mqeqeshi icape Town All
Stars.