Bayazifela abesifazane ngempandla nembungculu
YADLISA amadoda athanda ukugunda izinwele noma angenazo nhlobo ebantwini besifazane, ngokombiko wocwaningo. Lolu cwaningo olwenziwe yinkampani ebheka ukuziphatha kwabantu ezinkundleni zokuxhumana ebizwa ngereboot, luthi u-87% wabesifazane uyazifela ngenkosana yamangisi enempandla, umntwana uwilliam. Lolu cwaningo luveza ukuthi abesifazane bayazifela ngekhanda elibenyezelayo, babuye babheke ukuthi umcebo wowesilisa umi kanjani, ubude bakhe nephimbo. Umntwana uwilliam uhambe phambili ngenxa yempandla yakhe kanti kuthiwa abesifazane abawu-37 000, bathe bayazifela ngaye. Endaweni yesibili kube ngumlingisi uvin Diesel onembungculu. Ngaphandle kwembungculu yakhe nokuba yisidlakela, kuvela ukuthi abesifazane bayazifela nangephimbo lakhe. Indawo yesithathu ithathwe ngujason Statham, onempandla okuthiwa bawu-26 000 abesifazane abahlale befuna ukubona izithombe zakhe eqimbile ezinkundleni zokuxhumana. Indawo yesine ithathwe ngusamuel L Jackson, okuthiwa abesifazane bathi uguga njengawayini elisezingeni eliphezulu. Kuthiwa bachazwa yiphimbo lakhe, umcebo kanjalo nobude bakhe. Isigwili sase-usa, ujeff Bezos, silale endaweni yesihlanu. Kuthiwa abesifazane bahlale befuna ukwazi ngomcebo wakhe, abanye bafuna izithombe zakhe eqimbile nokuthi wawakha kanjani umcebo wakhe. Abanye abangenile ohlwini lwamadoda athandwa ngabesifazane, ngumichael B Jordan, abesifazane kuthiwa bazifela ngomzimba wakhe. Ukhona nodwayne Johnson abazifela ngempandla yakhe, ubude nokuba yisidlakela. Ushemar Moore akasalanga ngaphandle
njengoba kuthiwa abesifazane bachazwa yimbungculu yakhe, ukondleka nokubukeka kwakhe. Umdlali wakudala we-basketball ushaquille O’neal, uthandwa ngenxa yokuba mude.
Umlingisi uterry Crews nguye ovale uhlu lwamadoda athandwayo ngenxa yembungculu, ukuba yisidlakela nokubukeka.