Abonakele amagalelo eqembu lesizwe lekhilikithi
KUBE kuningi ukungcofa ngemva kokwehluleka ukudlulela emdlalweni wamanqamu kweqembu lakuleli lekhilikithi, amaprotea.
Iningizimu Afrika yehlulwe yi-australia, emdlalweni owandulela ifayineli. Zehlulwa nje eziholwa ngutemba Bavuma, bese kunethemba lokuthi cishe zinethuba lokuhlwitha isicoco esezehluleke ukusithatha selokhu izwe labuyela emiqhudelwaneni yamazwe.
Ekugcineni indebe yomhlaba yekhilikithi iwinwe yi-australia kowamanqamu ngesonto, lapho iguqise khona osokhaya i-india.
Ngenxa yobuqhawe bamabhokobhoko evikela isicoco sendebe yomhlaba efrance, amaprotea abesebhekwe ukuthi athole ukukhuthazeka. Kodwa iqiniso lithi bambalwa, uma bekhona, abantu ababebeke ithemba labo kwezikabavuma ngoba leli qembu selibe nezinselelo eziningi eminyakeni embalwa edlule.
Izinguquko zangaphakathi kwicricket
South Africa (CSA) nezinkulumo ezinombango wokuphathwa kwalo mdlalo, zibe nomthelela ongemuhle enkundleni. Livele iqembu lesizwe linesigcwagcwa sokulwa njengeminqolo emidlalweni yendebe yomhlaba.
Nokho uma kukhulunywa isiminya, iningizimu Afrika yenze umsebenzi omuhle esikhathini esifushane kwenziwe izinguquko ezithinta abaqeqeshi, ukaputeni nabadlali.
Yebo, bese kwenyuse amathemba ukuwina kahle kwabo emidlalweni yokuhlunga kodwa ukufika lapha befike khona akuyona into abantu abebeyibhekile, ikakhulu ngoba bangena endebeni yomhlaba sekuvalwe amehlo ngeyokuhlungela.
Kumele bashayelwe ihlombe ngomsebenzi abawenzile opholetsi Moseki oyisikhulu esiphezulu, umqondisi u-enoch Nkwe, abaqeqeshi urob Walter noshukri Conrad kanye nokaputeni ubavuma. Ukufinyelela kwabo kuleli zinga bekuphandle kwicsa. Bekubaleka ngisho nabaxhasi. Kepha, ekugcineni amaprotea aphume esebalwa namaqembu amane aphezulu kuma-one Day Internationals.