Uzophatha kanjani uthanda ekubeni wehlulwa ukulawula eyakhe imali?
MHLELI: Ngibonga ukuthola ithuba sewusongwa unyaka ka-2023. Bekuwunyaka wezidubedube ofana neminye edlule. Oqhibukhowe bamaqembu baphinde bagubuzela unyaka ngefu elimnyama futhi baqeda ithemba labavoti.
Kungenzeka ukuthi sonke siyathanda ukuba ngomengameli noma ngondunankulu kodwa ngeke sikhethwe sonke ukuba sihlale ezikhundleni.
Muva nje, abantu abaxoshwayo noma abesulayo emaqenjini abo, bavele basungule awabo amaqembu. Basuke benethemba lokuthi bazowaka abantu ukuba babavotele.
Kungimangazile ukubona nengqalabutho kwezemidlalo yethelevishini eyayilingisa emzini Wezinsizwa, umnuz
Vusi Thanda owayedume ngelikachawe, esoshicilelweni lwabagaqele esikandunankulu e-eastern Cape. Okungimangaze kakhulu wukuthi zolo lokhu, besifunda emaphephandabeni ngosizi abebhekene nalo lokungabi namali. Ubeseyibhubhudle yonke imali abeyithola esengumlingisi?
Pho angaliphatha kanjani izwe uma ehluleka ukuphatha ibhajethi yomndeni wakhe? Kalukho ushintsho abeza nalo labo qhibukhowe kepha bazohlohla izisu zabo. Kwaba nedumela ngesikhathi kusungulwa icope, kuthiwa izoqumba phansi I-ANC. Kepha namuhla isifana nento engekho.
Iqeda ithemba nemibiko yokuthi amabhange abanesandla ekucindezeleni abantu abansundu, ngokusebenzisa kabi amandla awo ukuze asuse umnuz Jacob Zuma esikhundleni. Lokho kukodwa kuqubula imibuzo mayelana nokwethembeka kwamabhange nosozimali bakuleli zwe. Abanye bathi kwenziwa ngamabomu ukuthi kucindezelwe abantu ukuze kuphume I-ANC, bese kubuyela abelungu bebuyela emandleni bazovuselela ingcindezelo.
Basangakwenza lokho uma umbutho onamandla njenge-anc ungakhishwa. Bheka kwenzekani epalestine. Kulula ukubuyisela ingcindezelo futhi ngeke sibuye siphume kuyo uma sike saphindela kuyo.