Izinkanyezi

ARIES : Mar 21- Apr 19

UMA ufuna ukwamukela indlela usuku lwakho oluhamba ngayo, kunale ndlela obuyilindele kuzoba lula ukubona ukuthi yini ehehayo eyenzekayo.

TAURUS: Apr 20 - May 20

ITHUBA elizoqhamuka kungenzeka likhulise inhlanhla yakho. Kubukeka sengathi yisikhathi sempumelelo ngoba kubukeka sengathi umqondo wakho usuwusebenzisa ngendlela efanelekile.

GEMINI: May 21 - Jun 20

UZIZWA unokuzethemba njengamanje. Ngakho kubalulekile ukuthi uhlale unemibono nezinto ezizokujabulisa. Yisikhathi esihle sokuzakhela abangani abasha nokuzama ukwenza izinto ezintsha.

CANCER: Jun 21- Jul 22

INTO ebalulekile njengamanje ukuba wazi ukuthi uyaphi empilweni ukuze ukwazi ukwenza uhlelo ozosebenza ngaphansi kwalo. Yisikhathi sibalulekile kakhulu futhi siza nempumelelo enkulu.

LEO:JUL 23 - Aug 22

KUBUKEKA sengathi lesi sikhathi siza nentokozo enkulu kuwe. Kubukeka sengathi awudingi lutho oluzokuphazamisa noma oluzokufukuzisa kulesi sikhathi sobumnandi. Kuzomele usihlele ngendlela efanele isikhathi sakho.

VIRGO: Aug 23 - Sept 22

KUZOMELE ubhekane nezezimali zakho. Qikelela ukuthi uyayonga imali yakho ngohlelo lwesikhathi eside ngoba yisikhathi sokuhlomula ngakwezezimali.

LIBRA: Sept 23 - Oct 22

YISIKHATHI esihle sokuthi ubhekane nalokho okade wakucabanga kodwa ungakuthatheli izinyathelo. Ungayithola indlela okumele uyisebenzise ukuze ubhekane nesimo.

SCORPIO: Oct 23 - Nov 21

ZINIKE isikhathi esanele sokuzithuthukisa ngezindlela eziningi. Kuzomele uzibandakanye nezemidlalo ikakhulu umdlalo ojwayelekile. Imiphumela ongayithola yiyona engakunika umdlandla wokuqhubekela phambili futhi ube nokuzethemba okukhulu.

SAGITTARIUS: Nov 22 - Dec 21

LESI yisikhathi esihle sokubhekana nalokho okade wakucabanga kodwa ungakuthatheli zinyathelo. Ungayithola indlela okumele uyisebenzise ukuze ubhekane nalesi simo.

CAPRICORN: Dec 22 - Jan 19

BHEKA ithuba ongalisebenzisa ukwenza ushintsho.

Yenza lokho kubalulekile ukuze uzinikeze isikhashana sokubhekana nezidingo zezihlobo zakho. Izinhlelo, nezinqumo ezithinta impilo yasekhaya zingakusiza kakhulu ngomuso.

AQUARIUS: Jan 20 - Feb 18

KUBUKEKA sengathi unezinhloso ezinkulu ngempilo yakho, ngakho-ke qinisekisa ukuthi uthatha indlela efanele. Ungathokoza kakhulu uma umholo wakho wanela izindleko zakho ngakho-ke kungakusiza ukusebenzisa amathuba aqhamukayo okuthuthukisa ezezimali zakho.

PISCES: Feb19 - Mar 20

YISIKHATHI esihle sokuqala okusha uma kunezinkinga obhekene nazo. Kukhona ophezu kwakho okubukeka sengathi kuzohamba ngempumelelo. Uma ufuna ukuphumelela kuzomele ube nokuzethemba.

Ngo-1977 owayeyintatheli yephephandaba idaily News uwiseman Khuzwayo wazinikela emaphoyiseni ngemuva kokuba esezwile ukuthi uyamfuna.

OKWENZEKA NGALOLU SUKU:

Phakathi kosaziwayo abazalwa ngalesi sikhathi sibala ubonginkosi Mdlongwana, owaziwa ngelika-oskido (osesithombeni) ongumculi futhi ongudj wakuleli.

Wazalwa ngo-1967, ebrits, enorth West.