Izinkanyezi

ARIES: MAR 21 - APR 20

IMICABANGO yakho ibukeka imihle futhi iphusile. Ngenxa yalesi sizathu kuningi okuhle ozokwazi ukukunqoba ngaphandle kokuphazamiseka. Ungabi nenkinga yokwamukela usizo oluqhamuka eceleni.

TAURUS: APR 21 - MAY 20

LOLU suku luzokuba luhle uma ungase uzinikele ekubhekeleni izidingo zomndeni wakho. Ngesikhashana uqalile ungase uzithole welapheka emphefumulweni ngendlela ongayilindele. Kunezindaba ezinhle ezingase zilandele futhi ezingaletha injabulo kunina nonke.

GEMINI: MAY 21 - JUN 20

KUNGABA yisu elihle ukudela ukwenza izinto ezingenasidingo ngenxa yokuthanda injabulo. Leli sonto alikhombisi nakancane ukuba lihle noma elikuvunayo kwezenjabulo.

CANCER: JUN 21 - JUL 22

UKUBA mnene nokuba nenhliziyo eshesha ukuxolela kuzomangaza nalabo abakuchukuluzayo. Yamukela okwenzekayo njengokwakuvele kudaliwe, ungamoshi isikhathi ngokuqophisana nabantu abangenanjongo empilweni.

LEO: JUL 23 - AUG 22

LINDELA iziyalo ezinhle nezizokwakha ezivela kumuntu okhaliphile. Kusemandleni akho ukuthi uzisebenzise ngandlelani. Kodwa okufanele ukwazi ukuthi ukuzamukela ngazo zombili, kungakwenza umuntu ongcono.

VIRGO: AUG 23 - SEP 22

IMICABANGO yakho ejulile nokuzihlupha ngokufuna ukufeza amaphupho kubukeka kungase kuthele khona maduze. Kuningi okuzoqhakaza kuleli sonto nempilo yakho uqale ukuyijabulela ngenye indlela.

LIBRA: SEP 23 - OCT 22

YENZA isiqiniseko sokuthi wonke umuntu uyakuqonda ngaphambi kokuthi bakwehlulele ngokwenzekayo.

Kuningi okungase kwenziwe ngabasondelene nawe ngenhloso yokukhombisa ukukweseka ngoba befisa ukukuqonda kangcono. Kungaba kuhle ukukhombisa ukwamukela imizamo yabo.

SCORPIO: OCT 23 - NOV 21

YEHLISA ulaka ukuze uthole okudingayo. Ukuba kulesi simo kungase kukunike inkinga yokubhekana nezinselelo ngendlela enhle yokuzixazulula. SAGITTARIUS: NOV 22 - DEC 21

KUNINGI okungahambi kahle empilweni yakho njengamanje. Ingcindezi yokwenza izinto eziningi ngesikhathi esisodwa nokufuna ukuphumelela kukhona konke kungase kukudalele inkinga. Yehlisa ilukuluku lokufisa ukubukeka ungumnqobi kuyona yonke into oyenzayo.

CAPRICORN: DEC 22 - JAN 19

LE mpelasonto ngeyokusebenza kanzima uzivocavoca ukuze impilo yakho ibe sesimweni esigculisayo. Ukuhleleka kahle kwempilo yakho kungase kube nemiphumela emihle emqondweni nasemphefumulweni.

AQUARIUS: JAN 20 - FEB 18

SEBENZISA ukukhalipha kwakho ukuhlela isimo sezimali esingase sikuthikameze ngokuhamba kwesikhathi. Kungaba kuhle ukuthekela usizo kubantu abanolwazi olungcono nabakufundele uma kwenzeka uhlangabezana nobunzima.

PISCES: FEB 19 - MAR 20

UKUQALA uthando noma ubungani obusha ngalesi sikhathi kungangena khaxa esikhaleni esesinesikhathi eside sivulekile empilweni yakho. Yize okuningi kunezimpawu zokuhamba kahle kodwa le ngxenye yempilo isinesikhathi ikhombisa ukushoda. Ukuze konke kuqonde, thasisela yona.

EMLANDWENI: Ngo-1994 kwavota abantu ngokukhethekile ngaphambi kokhetho olukhululekile ngo-ephreli 27.

Phakathi kosaziwayo abazalwa ngalesi sikhathi sibala usam Magalefa (osesithomben) ongumdlali webhola wakuleli. Wayegijima kwijomo Cosmos. Wazalelwa esoweto ngo-1978.