Akananazi utembe ngokuthi indodakazi yakhe ayizange izibulale

INCWADI: When Love Kills

UMBHALI: Melinda Ferguson ABASHICILELI: Melinda Ferguson

KUGQAMA umunyu, ukuzisola, nothando kubaba ka-anele Tembe, uma ekhuluma ngendodakazi yakhe engasekho. Usomabhizinisi umoses Tembe, akananazi uma ethi indodakazi yakhe ayizange izibulale ngo-ephreli, 2021.

Encwadini ethi When love kills, umlobi weneka lonke ulwazi alutholile emithonjeni ehlukene yabezindaba nezokuxhumana nokuxoxisana nabantu ngobudlelwano buka-anele nokiernan “AKA” Forbes, ngesikhathi ebhala.

Ekhasini 169, utembe ucashunwa ethi:”ngathola umbiko wamaphoyisa owanginikeza ubufakazi bokuthi kwenzakalani ngalobo busuku, ngaphambi kokuthi singcwabe indodakazi yami .... lalela lwanginikeza u-99.9% wokuthi u-anele akazange azibulale,” impendulo katembe ayithumela umlobi wencwadi

Umbiko wawuthola ngaphambi kosuku lomgcwabo. Uyazisola ngokuthi akazange angenelele ezindabeni zabo kepha uthi wayengafuni ukugxambukela ngoba wayefisa ukuthi u-anele ayofunda enyuvesi ngaphambi kokuthi agane. Njengomzali wayekhathazeka ngendlela u-anele NO-AKA ababevamise ukuxabana ngayo. “Wayevamise ukungifonela athi kuphelile (ngobudlelwano bakhe NO-AKA). Ngimthengele ithikithi abuyele ethekwini, kuyothi uma esebuyile ashintshe umqondo, abuyele kuyena futhi,” kuchaza umoses.

Okugqamile wukuthi kunemininingwane eyashiwo ngu-aka equbula imibuzo ngokuthi ngabe iyiqiniso kangakanani. Umlobi ulanda ngobudlelwano kusukela gomashi

2020, kanti izwe lizongena ngaphansi komvalelandlini. Umelinda uthi uthando lwaluvutha amalangabi ngalesi sikhathi.

Umlobi uthi ngokuhamba kwesikhathi kwakukhona ukuhilizisana phakathi kwezithandani kanti usola ukuthi u-anele wayenesikhwele futhi engayijwayele impilo yosaziwayo.

Umelinda uthi U-AKA, wayezazi ukuthi angaqonywa yinoma iyiphi intombazane, ngakho wayenokuzitshela futhi ethatha ngokuthi u-anele mncane kunaye ngoba wayeneminyaka ewu-21.

Eqhulwini akucaci ukuthi wayekuphi U-AKA ngesikhathi u-anele ewela phansi emgwaqweni ngoba akazange abonakale kepha kuthiwa wayengaphakathi epepperclub.

Akucacai ukuthi kungani engatholakalanga amanyathela eminwe lapho kuthiwa u-anele wagxuma khona? Okwesibili kungani abezokushushisa INPA, bengazange bambophe U-AKA?

Kunomuntu owafika kuqala lapho kwakulele khona u-anele, wamboza ngeshidi elimhlophe ngoba wayenqunu. Lo fakazi uthi u-anele wathi kuye:”ngicela ungisize”. Wayezolucelelani usizo u-anele uma wayefuna ukuzibulala?

Kukhona nofakazi owafike wathandazela u-anele, owabona konke ngoba wayemi ebhilidini eliqondene nepepperclub. Urob Stefanutto, ungusomabhizinisi wasecape Town, uthi wezwa sengathi kunokuhilizisana ngamazwi kwabantu. “Ngicela uhlukane nami, ngicele ungiyekele.” Uthi ngemva kwalokho wezwa umsindo omkhulu wathi uma ebheka wabona umuntu elele phansi emgwaqweni.

Uphawula kanje urob: “Ngathi uma ngifika esembozwe ngeshidi ngabona iminwe yakhe inyakaza, ngamtshela ukuthi uma engizwa akangicifele iso. Wangicifela iso.” ekhasini 159

Kuthiwa U-AKA wayengabonwa nangokhalo ngalesi sikhathi.

Ngemva kokushona kuka-anele, U-AKA waba nengxoxo nentatheli uthembekile Mrototo, umlobi uthi kukhona okushaya amanzi ngezimpendulo zakhe