Knysna-man weer topmeester
Eden-hengelassosiasie se agtste somerligakompetisie is onlangs gehou te Stilbaai met een hengelaar vanuit Knysna wat goed gevaar het.
Die kompetisie het op Saterdag 24 Maart plaasgevind, en hengelaars van regoor Eden het van 07:00 tot 16:00 hul staal gewys.
George-hengelklub het daarin gepoog om die beste te vaar op die betrokke dag met 466.07 punte wat hulle ‘n tweede plek op die A-liga ranglys verseker het.
Kallie Erasmus van Knysna-hengelklub was as topmeester vir die dag aangewys met sy telling van 90.43 punte.
Die grootste eetbare vis is deur Bernard van Wyk van George-hengelklub gevang – ‘n geelstert van 14.75 kg – en die swaarste oneetbare vis was ‘n skeurtandhaai van 193.27 kg wat ingeweeg is deur Riaan Heunis, ook van George.
Die totale massa vis wat gevang is gedurende die kompetisie was 1 737.38 kg en daar het 138 hengelaars aan die liga deelgeneem, met 381 oneetbare en 42 eetbare visse gevang.
Die posisies van die klubs:
A-liga (klub punte)
Stilbaai 1 309.88; George 1 008.73; Knysna 701.41; Triton 690.36; Outeniqua 519.73; Atlantic 391.78; Mosselbaai 145.54
B-liga
Stilbaai 465.67; George 445.01; Triton 355.58; Atlantic 296.71; Knysna 168.91; Outeniqua 126.94; Weermag 1.21
C-liga
George A 291.33; Stilbaai C 248.30; Atlantic A 166.99; Triton 67.69; Outeniqua 51.68; Atlantic B 14.47; George B 1.12; Knysna C 0.79
Top 5 Hengelaars
AJ De Beer (Stilbaai) 276.39; Riaan Heunis (George) 241.94; Marius Baard (George) 223.78; Raldo Potgieter (Stilbaai) 215.25; Dirkie Saayman (Stilbaai) 194.55
Die volgende kompetisie vind op 28 April te Boggomsbaai plaas.