Jongman ’n held na hy grypdief vastrek
'n Jongman van George wat Saterdagoggend, 25 Julie, vir 'n ryles gegaan het, het 'n held geword nadat hy 'n grypdief in die middedorp vasgetrek het. Volgens die man, Jona Julies, was hy by sy instrukteur se kantoor toe hy iemand om hulp hoor skree: "Vang hom, vang hom!" Julies het toe die grypdief, wat blykbaar 'n vrou se handsak uit haar besit geruk het, agternagesit en kon daarin slaag om hom vas te trek.
"Ek het agterna gehardloop en toe ek by hom kom het ek hom platgeduik," vertel Julies. Volgens hom het die vrou en haar familie die verdagte daar gehou tot die polisie opgedaag het.
"Ons mense se veiligheid kom eerste en ons as wetstoepassers en ook die polisie, moet optree teen die misdaad in ons gemeenskappe."
'n Plasing op Facebook deur Sam Wagenaar, Julies se instrukteur, vertel hoe Julies sowat 50 m ver gehardloop het voor hy die grypdief platgetrek het.
"Ek salueer hom vir sy flink optrede," het Wagenaar gesê.