VICTORIAANSE SUURLEMOENSPONSKOEK
Lewer 1 groot laagkoek
Die suurlemoenstroop is lekker skerp en voorkom dat die koek te soet is. Hoewel hierdie koek nogal moeite verg, sal dit beslis jou klante en /of familie laat terugkom vir nog.
BESTANDDELE
Vir die suurlemoensmeer 180 ml suurlemoensap 500 ml (400 g) suiker 80 g botter 3 eiers 5 ml fyngerasperde suurlemoenskil Vir die suurlemoenstroop 125 ml suurlemoensap 160 ml (125 g) suiker Vir die sponskoek 450 g gesoute botter (teen kamertemperatuur) 540 ml (450 g) strooisuiker Fyngerasperde skil van 2 suurlemoene 7 eiers 870 ml (450 g) koekmeel 10 ml bakpoeier Vir die suurlemoenbotterversiersel 200 g botter (teen kamertemperatuur) 750 ml (400 g) versiersuiker, gesif 50 ml varsuitgedrukte suurlemoensap
METODE
Suurlemoensmeer: Meng al die bestanddele vir die smeer saam in ’n hittebestande bak en plaas oor ’n kastrol vol warm water (die bak moenie aan die water raak nie). Roer aanhoudend oor matige hitte tot die suiker opgelos het en die smeer begin set. Plaas eenkant om af te koel en bêre dan in die yskas. Suurlemoenstroop: Plaas die suurlemoensap en suiker in ’n kastrol oor matige hitte en verhit tot kookpunt. Kook teen ’n baie lae hitte vir sowat 3 minute. Laat heeltemal afkoel. Sponskoek: Voorverhit die oond tot 180°C. Voer drie koekpanne van 22 cm in deursnee. Room die botter, strooisui- ker en suurlemoenskil baie goed saam. Voeg die eiers een op ’n slag by en klits goed na elke byvoeging. Sif die meel en bakpoeier saam. Voeg die helfte van die droë bestanddele by die eiermengsel terwyl jy dit klits. Vou die res van die droë bestanddele daarby in. Giet die beslag in die bereide koekpanne en bak vir sowat 30 minute. Smeer die koek mildelik met die afgekoelde suurlemoenstroop sodra die koek uit die oond kom. Plaas eenkant om heeltemal af te koel. Suurlemoenbotterversiersel: Klits die botter saam met die helfte van die versiersuiker tot romerig. Voeg die suurlemoensap om die beurt met die res van die versiersuiker by die bottermengsel, en klits goed tot die versiersel lig en donsig is. Samestelling: Sny elk van die koeke horisontaal in die helfte deur sodat daar ses lae is. Smeer elk van die lae met nog van die suurlemoenstroop. Gebruik die suurlemoensmeer tussen die lae om die individuele koeke weer saam te stel. Smeer die suurlemoenbotterversiersel oor die hersaamgestelde koeke en sit hulle opmekaar vas. Gebruik die res van die botterversiersel om die koek mee te bedek.
VERKOOP MEER! Maak 30 kolwyntjies in plaas van een groot koek en bak vir 15 minute teen 180°C. As jy ’n kleiner maar hoër koek wil hê, kan jy die beslag deel tussen vier koekpanne van 18 cm in deursnee. Die suurlemoensmeerresep lewer genoeg vir drie koeke en sal vir ’n paar weke goed in die yskas hou.
VERSUIKERDE SUURLEMOENSKIL
Was 2 suurlemoene deeglik af. Sny die skil van die suurlemoene af met ’n groenteskiller. Skil dit in redelike breë stroke af, maar maak seker dat daar nie van bitter witskil aan die onderkant van jou geelskilstroke is nie. Sny dan die skilstroke in die lengte af in dun julienne-repies. Plaas die repies