VLEISBROODJIE MET CHEDDAR EN CHAKALAKA

Genoeg vir 4 mini-mincebroodjies BESTANDDELE

900 g mince 2 snye brood, verkrummel 1 x 410 g blik chakalaka 1 koppie cheddarkaas, gerasper 1 eier Sout en varsgemaalde swartpeper na smaak

METODE

Meng al die bestanddele saam. (Gebruik jou hande, want dis die enigste manier om alles deeglik gemeng te kry.) Verdeel die mengsel tussen 4 gesmeerde mini-broodpannetjies van ongeveer 12 x 6 cm. Bak vir 30 minute in ’n voorverhitte oond van 180°C. Bedien met ’n lekker slaai of gestoomde groente. Dis ook ’n lekker kosblik-staatmaker.

WENK:

Jy kan ook een groot vleisbrood in ’n standaard-grootte broodpan maak. Pas dan net die gaarmaaktyd aan. Sout en varsgemaalde swartpeper na smaak Vir die sop 10 groterige ryprooi tamaties, in stukke gekap 2 uie, geskil en in wiggies gesny 3 knoffeltoontjies, in skyfies gesny 4 eetlepels olie Sout en varsgemaalde swartpeper 4 groterige aartappels, geskil en in blokkies gesny 6 koppies vleisaftreksel

METODE

Frikkadelle: Plaas al die bestanddele vir die frikkadelle in ’n groot mengbak en meng met jou hande. Vorm kleinerige frikkadelle (ongeveer okkerneut-grootte), plaas dit op ’n bord en bêre in die yskas. Sop: Plaas die tamaties, uie en knoffel in ’n oondroosterpan, sprinkel 2 eetlepels van die olie oor en geur met sout en peper. Plaas in ’n voorverhitte oond van 200°C vir 45 minute. Verhit die res van die olie in ’n swaarboomkastrol en braai die aartappels liggies daarin. (As jy bang is vir vasbrand, kan jy solank ’n paar druppels van die aftreksel byvoeg.) Voeg die tamatie-enuiemengsel by die aartappels en kook vir 5 minute. Voeg dan die aftreksel by en kook vir ’n verdere 15 minute. Verpulp die sop met ’n handmenger of voedselverwerker. Samestelling: Giet die sopmengsel terug in die pot en plaas die frikkadelle daarin. Kook vir 10 – 15 minute of tot die frikkadelle gaar is. Bedien met knoffelbrood.

WENK: Vir ’n bietjie byt, kan jy ’n rooi brandrissie (pitjies en naatjies verwyder en fyngekap), saam met die aartappels braai.