ROERBRAAI
Daar is nie ’n makliker manier om ’n eenpotgereg te maak as met ’n roerbraai nie. Hou dit eenvoudig of eksperimenteer met seekos of gee dit ’n Oosterse geur.
PRAWN & PYNAPPEL Genoeg vir 4 BESTANDDELE
800 g prawns (garnale), dop en kop verwyder 1 koppie pynappelstukke 1 rooi uie, in ringetjies gesny 1 rooi soetrissie in repies gesny 1 rooi of groen brandrissie in ringetjies gesny 1 eetlepel gemmer in dun repies gesny 2 eetlepels sonneblomolie 1eetlepel sojasous ¼ koppie van die pynappel se sous ½ teelepel Maizena 1 eetlepel sesamsade Gestoomde jasmynrys
METODE
Meng die sojasous, pynappelsap met Maizena en hou eenkant. Roerbraai die uie, soetrissie en brandrissie in olie tot gaar, maar nie pap nie. Voeg die prawns en gemmer by en roerbraai tot die prawns gaar is. Voeg nou die sousie (pynappelsap en soja) en pynappelstukke by. Kook tot effens verdik. Sprinkel met sesamsade en bedien op jasmynrys.