SPICY HOENDERWRAP MET KOMKOMMER
Genoeg vir 4 BESTANDDELE
Vir die marinade 1 knoffeltoontjie, gekneus en fyngekap 1 rooi brandrissie, rofweg gekap 3 eetlepels suurlemoensap ½ koppie olie 2 eetlepels witasyn 1 eetlepel vars gekapte origanum 1 teelepel paprika 4 hoenderborsies, met vel en been aan Sout en varsgemaalde swartpeper na smaak Vir die komkommerslaai 3 eetlepels asyn 2 teelepels suiker Sout en varsgemaalde swartpeper 1 Engelse komkommer, grofweg met skil en al gerasper 1 groen soetrissie, wit gedeeltes en pitjies verwyder en in repies gesny 1 eetlepel vars, gekapte origanum Vir die samestelling 4 wraps Blare van jou keuse
METODE
Plaas al die bestanddele vir die marinade in die voedselverwerker en pulseer. Plaas die hoenderborsies in ’n glasbak en giet die marinade oor. Rol die hoenderborsies in die marinade sodat dit alkant daarmee bedek is. Plaas in die yskas en laat oornag marineer. Haal die hoenderborsies uit die marinade, geur met sout en peper en plaas dit op die draadrak van die oondroosterpan. Bak vir 30 minute in ’n voorverhitte oond van 200ºC of totdat die sappe helder uitloop wanneer jy ’n skerp mes by die dikste gedeelte insteek. Haal uit die oond en laat staan om af te koel. Sny die vleis weg van die been af in skywe maar behou die velletjie vir ekstra geur. Maak die slaai: Meng die suiker en asyn en geur met sout en peper. Meng die res van die slaaibestanddele in ’n bak en giet die asynmengsel oor. Pak ’n hopie blare in die middel van elke wrap, skep ’n bietjie slaai bo-op en rangskik hoenderskyfies bo-op. Rol dit op, sny in die helfte deur (indien jy verkies) en bedien.