OOSTERSE HOENDERVLERKIES
Genoeg vir 4 BESTANDDELE
12 hoendervlerkies 2 eetlepels olyfolie 2 eetlepels knoffel, gerasper 2 eetlepels vars gemmer, gerasper ¼– ½ teelepel brandrissie ¼ koppie rysasyn ¼ koppie sojasous 2 eetlepels sonneblomolie 1 ½ eetlepels bruinsuiker ½ teelepel varsgemaalde swartpeper sout
METODE
Plaas al die bestanddele, behalwe die hoender, olyfolie en sout, saam in ’n flessie en skud goed. Die sousie kan reeds die dag voor die tyd berei word sodat die geure goed kan ontwikkel. Sny die punte van die hoendervlerkies af. Sny die ander deel van vlerkies in 2 dele. Geur liggies met sout en bedek met olyfolie. Rooster op ’n bakplaat by 200°C tot goudbruin en gaar maar nie uitgedroog nie. Giet die sousie oor die vlerkies en meng liggies deur. Bedien dadelik met chips en ’n slaaitjie. Die sousie is netso lekker saam met die diepgebraaide varkvleisstukkies van soetsuur vark.