VAAL SULT (BRAWN)
Genoeg vir 4 – 6 BESTANDDELE
6 skaappootjies 2 medium uie, grofgekap 10 peperkorrels 4 lourierblare 6 kruienaeltjies ¼ teelepel neutmuskaat (nutmeg) 2 eetlepels asyn Sout en peper na smaak
METODE
Plaas al die bestanddele in ’n groot pot. Bedek met koue water en bring tot kookpunt. Verlaag hitte en kook oor matige hitte totdat die vleisies van die bene afkook. Die sous moet ook al lekker taai lyk. Skep die lourierblare uit en gooi weg. Skep die pote en bene uit. Sorteer en haal al die beentjies uit en gooi weg. Sny die vleisstukkies kleiner en plaas terug in die pot en laat afkoel tot kamertemperatuur. Skep die mengsel uit in ’n broodpannetjie wat met kleefplastiek gevoer is. Verkoel tot geset. Sny in skywe en bedien met ander koue vleis. Hierdie is ’n baie ryk gereg en dus baie vullend.