BEESNEKBREDIE

Genoeg vir 4

’n Heerlike bredie wat boonop goedkoop is om te maak. Die vleis van die beesnek kook so sag, ’n mens kan dit met ’n vurk uitmekaar trek.

BESTANDDELE

3 eetlepels olie 1 kg beesnek, in stukke gesny 4 knoffelhuisies, fyngekap 2 uie, opgekap 5 – 6 wortels, in ringe gesny 2 – 3 klein rape, geskil en in blokkies gesny 5 – 6 preie, in ringe gesny 2 selderystingels, opgesny 2 koppies beesaftreksel ’n Handvol vars pietersielie, gekap Sout en varsgemaalde swartpeper 6 koppies gaar Spekko Long Grain Parboiled Rice

METODE

Verhit die olie in ’n swaarboomkastrol en braai die nek – net ’n paar stukke op ’n slag – tot bruin. Voeg die knoffel, uie, wortels, rape, preie en seldery by. Roerbraai vir ’n paar minute. Voeg die aftreksel en pietersielie by en geur na smaak. Bedek, verlaag die hitte en prut baie stadig vir sowat 2 uur of totdat die vleis baie sag is. Bedien met Spekko Long Grain Parboiled Rice. Die resep is geïnspireer deur die kunstenaar Saarkie na aanleiding van ’n Spekko-onderhoud by die KKNK. Resep deur Karen Hart.