OUMA ROSE SE DOEKPOEDING
Lewer 8 porsies BESTANDDELE
1 L(4 k) water 250 ml (1 k) bruismeel 250 ml (1 k) koekmeel 5 ml (1 t) fyn neutmuskaat 5 ml (1 t) fyn kaneel 5 ml (1 t) fyn gemmer 5 ml (1 t) koeksoda 5 ml (1 t) bakpoeier ’n Knippie sout 1 x 500 g-pak vrugtekoekmengsel (fruit cake mix) 2 x 100 g-pakkies neute, fyngekap 125 g botter 375 ml (1½ k) suiker 4 ekstragroot eiers 5 ml (1 t) amandelgeursel
METODE
Verhit die water in ’n swaarboomkastrol. Sif die bruismeel, koekmeel, neutmuskaat, kaneel, gemmer, koeksoda, bakpoeier en sout saam in ’n mengbak. Roer die vrugtekoekmengsel en neute deur meelmengsel tot gemeng. Room die botter en suiker saam tot dik en romerig. Voeg die eiers by en klits weer goed. Roer die amandelgeursel by en klits goed. Roer die meelmengsel by die bottermengsel tot ’n deeg vorm. Maak ’n groot genoeg wit moeseliendoek oop en skep die deeg in middel van die doek. Bring die kante van moeseliendoek bymekaar en knoop met tou vas. Moenie die moeseliendoek te styf vasmaak nie, want die doekpoeding moet bietjie plek hê om uit te sit. Plaas die doekpoeding in kastrol met die warm water en plaas die deksel op. Laat die poeding vir 3 4 uur prut oor lae hitte. Laat doekpoeding afkoel en verwyder die moeselien-doek. Keer die doekpoeding uit op ’n geskikte opdienbord en bedien saam met glanskersies en vla.