COSTILLITAS

(Sitrusvarkribbetjies) Genoeg vir 4

BESTANDDELE

1 hele varkrib

Sout en varsgemaalde peper

Marinade

2 eetlepels fyn knoffel

1 eetlepel sout

1 teelepel fyn komyn (jeera) 1 teelepel gedroogde origanum 1 eetlepel gerookte paprika 1 teelepel rissiepoeier

2 eetlepels bruinsuiker

¼ koppie lemoensap

¼ koppie sonneblomolie 2 eetlepels asyn

½ teelepel growwe swartpeper ½ ui, gekap

METODE

Marinade: Pols al die bestanddele vir die marinade in ’n versapper tot glad.

Ribbetjies: Vryf die rib aan beide kante goed in met sout en peper. Sit die rib in ’n oondskottel en bedek met die marinade. Smeer die marinade goed in, bedek die rib en verkoel oornag in yskas. Voorverhit oond tot 120

°C. Bedek die oondbak met foelie en bak vir 3 ure tot sag en gaar. Haal die rib uit die oondskottel en laat afkoel. Sit die oorskietmarinade in die skottel eenkant. Braai die rib oor warm kole vir 5 minute aan ’n kant, terwyl jy dit verf met die res van die marinade in die oondskottel.