REVANI
(Ligte koek met sitrusstroop) 1 groot ronde koek
BESTANDDELE Koek
2 koppies botter
2 koppies suiker
4 eiers, geskei
1 teelepel suiker
2 koppies klapper
1 koppie koekmeel
1 teelepel bakpoeier Gerasperde skil van 2 lemoene
Stroop
1½ koppies suiker 1½ koppies water
Sap van ½ suurlemoen
METODE
Koek: Voorverhit die oond tot 180 °C. Verroom die botter en suiker in ’n menger tot lig en donsig. Voeg die eiergele een vir een by en klop goed ná elke byvoeging. In ’n skoon mengbak, klits die eierwitte en 1 teelepel suiker tot sagte punte vorm. Meng die klapper, meel en bakpoeier in ’n aparte bak. Vou die eierwitte en die helfte van meelmengsel by die nat bestanddele in. Vou daarna die res van die meelmengsel en die lemoenskil by die beslag in. Smeer ’n ronde koekpan met botter en besprinkel liggies met meel. Giet die beslag in die gesmeerde pan en bak vir 40 – 45 minute by 180 °C. Laat die koek effens afkoel.
Stroop: Gooi al die bestanddele in ’n potjie, roer totdat die suiker opgelos is en kook vir 5 –10 minute tot die stroop effens verdik. Giet die stroop met ’n soplepel oor die koek en maak seker dit word geabsorbeer voordat jy die volgende lepel oorskep. Sodra al die sous geabsorbeer is, laat koel af en verkoel in die yskas. Bedien die koek netso teen kamertemperatuur of koud met ’n lepel vanilla-roomys.