CURRY GOAT

Genoeg vir 6 – 8

BESTANDDELE

1 kg stowebok- of lamsvleis 2 eetlepels matige of sterk kerriepoeier

1 ui, gekap

1 sprietuie (spring onions), gekap 4 knoffeltoontjies, gekap 1 eetlepel gemmer, gerasper 2 teelepels vars tiemieblaartjies 1 groen brandrissie, gekap 1 teelepel swartpeper

1 teelepel sout

¼ koppie sonneblomolie 4 koppies kookwater

1 groot aartappel, opgesny 1 groot wortel, opgesny 4 wonderpeperbessies (allspice), fyngedruk

METODE

Spoel die vleis goed af en sit in ’n mengbak. Geur die vleis met 1 eetlepel van die kerriepoeier, uie, sprietuie, knoffel, gemmer, tiemie, rissie, peper en sout en vryf dit goed in die vleis. Marineer vir ’n paar ure (ten minste 2 ure). Verhit die olie in ’n groot pot en voeg die ander eetlepel kerriepoeier daarby en daarna die vleis. Verseël die buitekant van die vleis voordat jy die kookwater byvoeg. Bedek en prut tot die vleis amper sag is. Kooktyd sal afhang van die gehalte en sagtheid van jou vleis. Voeg die wortel, aartappels en wonderpeper by en kook tot die groente sag is. Bedien met rys en atjar.

WENK Bokvleis is skaars. As jy nie bokvleis kry nie, gebruik lamsvleis.