GEROOSTERDE FOREL
Genoeg vir 6
BESTANDDELE
1 groot forelfilet (trout) of 6 kleiner mootjies (jy kan salm ook gebruik, maar forel is plaaslike vis en heelwat goedkoper) Sout na smaak
4 eetlepels bruinsuiker
Skil van ½ suurlemoen
’n Paar takkies dille
METODE
Pak die vis, velkant na onder op ’n gesmeerde bakplaat. Meng die sout, suiker, suurlemoenskil en dille en vryf die vis daarmee. Laat rus vir 30 minute. Voorverhit cdie oond tot 220 °C. Spoel die vis onder koue water af en druk droog met ’n skoon lappie. Sit die vis op ’n gesmeerde bakplaat en rooster vir 10 – 12 minute tot net gaar. As jy dit oorgaar maak, sal dit droog wees. Bedien warm of koud met die aartappelslaai.