CHIN CHIN
(Diepgebraaide soeterige deegpeuselhappies) Genoeg vir 4
BESTANDDELE
1¾ koppies koekmeel
¹/ koppie suiker
1 eetlepel botter
½ teelepel bakpoeier
½ teelepel neutmuskaat (nutmeg)
1 eier
¼ ingedampte melk (Ideal-melk) Olie vir diepbraai
Versiersuiker (icing sugar) (opsioneel)
METODE
Meng die droë bestanddele in een bak en die eier en ingedampte melk in ’n ander. Vryf die botter in die droë bestanddele totdat dit soos broodkrummels lyk. Roer die melkmengsel daarby en roer totdat dit bymekaarkom. As dit nog te droog lyk, voeg ekstra melk of water by. Rol die deeg in ’n bal, rol toe in kleefplastiek en laat rus vir 5 minute. Verdeel die deeg in twee stukke en rol uit tot ’n dikte van omtrent ½ cm. Sny die deeg in stroke van omtrent 1 cm x 1 cm. Sit die blokkies deeg op ’n bakplaat en besprinkel liggies met meel sodat dit nie vassit nie. Voorverhit die olie vir diepbraai tot 180 °C. Braai die chin chin tot goudbruin, skep uit met ’n gaatjieslepel, dreineer op kombuispapier en besprinkel met versiersuiker (opsioneel).