JOLLOF
(Tradisionele rysgereg met uie en groente) Genoeg vir 6
BESTANDDELE
1 x 410 g-blik tamaties, gekap 2 rooi soetrissies
1 rooi brandrissie, opgesny 3 uie, gekap
5 koppies rou witrys 4 eetlepels sonneblomolie 1 eetlepel botter
1 rooi ui, gekap
3 eetlepels tamatiepasta 1 eetlepel sout
½ teelepel cayennepeper ½ teelepel witpeper 3 lourierblare (bay leaves) ½ teelepel matige kerriepoeier ½ teelepel knoffelvlokkies ½ teelepel gedroogde tiemie ½ teelepel vars gemmer 1 koppie visaftreksel
2 koppies hoenderaftreksel
METODE
Pols die tamaties, soetrissies, brandrissie en uie in voedselverwerker tot glad. Hou eenkant tot benodig. Spoel die rys onder koue water af om soveel moontlik van die stysel te verwyder. Verhit die olie en botter in ’n pot en karamelliseer die ui. Roer die tamatiepasta by en braai vir 1 minuut. Voeg die tamatie-en-soetrissiemengsel en die res van die bestanddele by, behalwe die aftreksels en die rys. Prut vir omtrent 20 minute. Voeg die aftreksels by en prut vir 10 minute. Roer die rys by, bedek, verlaag hitte en prut vir omtrent 30 minute totdat die rys gaar, maar nie pap is nie. Roer deur en prut vir nog 10 minute. Om die outentieke geur aan die gereg te gee, laat dit liggies bruin skroei aan die onderkant. Maak seker dat dit nie swart brand nie. Bedien die gereg saam met vis of vleisgeregte.