GRIEKSE PANZANELLA

Genoeg vir 4 – 6

BESTANDDELE

2 groot pitabrode

100 g aspersies, geblansjeer 60 ml extra virgin-olyfolie

Sout en peper na smaak

150 g rooi tamaties

(vine tomatoes)

1 kop kropslaai (baby gem lettuce), in kwarte gesny

4 pienk radyse, gesny ½ komkommer, in dun repe gesny

1 kg lamsblad, uitgepluis en effens verwarm (gebruik sommer die oorskietvleis van ’n lamsblad) 100 ml klaarbereide kruiepesto

METODE

Verhit ’n roosterpan (griddle pan) oor hoë hitte totdat dit begin rook. Verf die brode met olyfolie en rooster aan albei kante. Sny elke brood in 8 driehoeke en hou eenkant. Sit die aspersies in 30 ml olyfolie, geur met sout en peper na smaak en rooster aan albei kante. Sit die tamaties in ’n oondskottel, bedruip met olyfolie en geur met sout en peper. Sit in die oond by 180 °C vir so 10 minute of totdat dit oopbars. Rangskik die kropslaai op ’n slaaibord en die radysskywe, komkommer, aspersies en tamaties bo-op. Pak die brood bo-op en dan die vleis. Meng die pesto en 30 ml olyfolie en bedruip die slaai daarmee.