PORTUGESE LAMPENS EN -POOTJIES
Genoeg vir 4 – 6
BESTANDDELE
2 kg van Deli-Co Farmstyle Butchery se lampens en -pootjies, afgespoel in 1 ℓ witwynasyn- of suurlemoenwater en laat droog word
2 ℓ aftreksel van jou keuse
25 ml olyfolie
500 g spek, in blokkies gesny 20 ml olyfolie
3 groot uie, gekap 5 knoffeltoontjies gerasper in 2 wortels, fyngerasper
1 teelepel komyn (jeera) 3 kardemompeule, fyngedruk 2 kaneelstokkies
1 lourierblaar (bay leaf) 2 knippies saffraan
1 groot 200 g-stuk chorizo, gesny 1 teelepel blaarmasala (leaf masala)
2 naeltjies
1 teelepel borrie (turmeric) 1 blikkie witbone soos botterbone of cannellini
’n Handvol vars pietersielie, gekap
METODE
Sit die afval in ’n pressure cooker met 2 ℓ aftreksel vir omtrent 35 minute. Jy kan dit ook op die stoof oor hoë hitte kook vir 2½ – 3 ure. Skei die pens en pootjies en die aftreksel. Kook die aftreksel af totdat sowat ’n kwart daarvan oorbly. Verhit 25 ml olie in ’n groot pan en soteer die spek tot goudbruin. Skep uit met ’n gaatjieslepel en hou eenkant. Verhit 20 ml olie en karamelliseer die uie in dieselfde pan en voeg die knoffel, wortels, komyn, kardemom, kaneel, lourierblaar, saffraan, chorizo, masala, naeltjies en borrie by. Kook vir 20 minute. Voeg die pens en pootjies by die gereduseerde aftreksel en bak in die oond by 160 °C vir so 1½ ure. Haal die dis uit die oond en meng die blikkie bone by. Bedien met pietersielie en spicy groenkrulkoolrys. >>