MOUSSAKA MET LAMSBLAD, BÉCHAMELSOUS EN EIERVRUG

Genoeg vir 4 – 6

BESTANDDELE Béchamelsous

1 ℓ vars volroommelk

1 ui, gehalveer 4 lourierblare (bay leaves) 3 naeltjies

100 g botter

100 g koekmeel

Sout en peper na smaak

Eiervrugte

3 groot eiervrugte, in skywe van 1 cm gesny

30 ml olyfolie

Sout en peper na smaak

Tamatiesous

15 ml botter

15 ml olyfolie

1 ui, gekap 2 knoffeltoontjies, gerasper 2 takkies roosmaryn, gekap 4 takkies tiemie, gekap 1 blikkie tamaties, gekap 1 koppie hoenderaftreksel 15 ml muscovado-suiker Sout en peper na smaak

Lamsblad

Sowat 1 kg oorskietlamsblad, uitgepluis

50 ml van die kookvloeistof

Sout en peper na smaak Genoeg van jou gunstelingkaas, gerasper (vir die samestelling)

METODE

Béchamelsous: Verhit die melk met die ui, lourierblare en naeltjies en laat die geure deurtrek vir 20 minute. Verhit die botter in ’n kastrol totdat dit begin borrels maak. Klits die meel by totdat dit ’n pasta vorm en verbruin effens vir twee minute. Voeg die melkmengsel by en klits tot goed gemeng, die sous dik word en borrel. Haal die kastrol van die stoofplaat af en voeg sout en peper by na smaak. Hou eenkant om effens af te koel.

Eiervrugte: Sit die eiervrugskywe in olyfolie en geur met sout en peper. Verhit ’n roosterpan (griddle pan) op die stoof oor hoë hitte en wag totdat dit begin rook. Rooster die eiervrugte aan albei kante tot gaar en daar roostermerke op is. Hou eenkant.

Tamatiesous: Verhit die botter en olie oor mediumhitte in ’n kastrol. Verbruin effens die uie en knoffel. Voeg die kruie by en kook deur. Voeg die tamaties en aftreksel by en kook totdat die sous begin dik word. Voeg die suiker by en geur met sout en peper na smaak. Roer deur en haal van die stoofplaat af. Lamsblad: Meng die vleis met die kookvloeistof en geur met sout en peper na smaak. Hou eenkant. Samestelling: Meng die vleis met die tamatiesous. Giet ’n kwart van die béchamelsous in ’n diep oondskottel. Pak lae van die eiervrug en vleis in die pan. Rasper van jou gunstelingkaas bo-oor en bak by 180 °C vir ongeveer 30 minute of totdat dit bruin is en borrel.