SJOKOLADEKOEK MET ROOIWYNGLAZE
Lewer 1 groot enkellaagkoek
BESTANDDELE Koek
225 g botter, in blokkies gesny
3 x 80 g-blokke donkersjokolade, in klein stukkies gebreek
1 koppie suiker
4 eiers
¹/ koppie koekmeel
’n Knippie sout
Versiersel
3 x 80 g-blokke donkersjokolade 4 eetlepels botter
’n Knippie sout
½ koppie versiersuiker
(icing sugar)
½ koppie rooiwyn (Merlot is perfek hiervoor)
Versiering
Aarbeie en bessies van jou keuse (opsioneel)
METODE
Koek: Smelt die botter, sjokolade en suiker saam in ’n dubbelkastrol of ’n hittebestande bak oor ’n kastrol kookwater. Haal dit van die hitte af, giet in ’n mengbak en laat heeltemal afkoel. Gebruik ’n elektriese klitser om die eiers een vir een goed by te klits ná elke byvoeging. Hou aan met klits totdat die mengsel die tekstuur van sjokolademousse het. Klits die sout en die meel by. Skep die mengsel in ’n gesmeerde losboom-koekpan van ongeveer 20 cm en bak vir ongeveer 55 – 65 minute in ’n voorverhitte oond van 170 °C. Sit die koekpan op ’n draadrak om heeltemal af te koel voordat jy die koek uithaal.
Versiersel: Smelt die botter, sjokolade en sout saam in ’n dubbelkastrol of ’n hittebestande bak oor ’n kastrol kookwater. Roer totdat die sjokolade gesmelt het en voeg die versiersuiker by. Meng goed. Verhit die wyn in ’n klein kastrol. Haal die sjokolademengsel van die plaat af en roer die wyn by. Laat staan vir 15 – 20 minute om effens af te koel en dikker te word. Sit die koek op ’n draadrak oor ’n skinkbord en giet die sjokolademengsel oor die koek. Gebruik ’n slaplemmes om die sjokolademengsel gelyk oor die bokant van die koek te smeer en langs die kante af te laat drup. Laat staan die koek so by kamertemperatuur vir minstens 2 – 3 ure sodat die glaze kan set. Versier met die aarbeie en bessies.
WENK:
Jy kan die koek al ’n dag of twee voor die tyd maak (sonder die vrugtebolaag) en in die yskas hou. Bedien teen kamertemperatuur.