HALLO MY KUIER MENSE,
Ek glo as ek enigeen wat nou hier lees, vra watter kos is jou gunsteling, sal daar ’n magdom verskillende dinge uitkom, want ons almal het uiteenlopende smake. Wat dalk vir een volksvreemd sal klink, sal vir iemand anders koningskos wees. Die geheim is dat jý dit geniet.
Netso eet mense in verskillende lande verskillende goed óf is daar ’n gereg wat aanvanklik eers in een land ontstaan het en nou oor die wêreld heen deur almal geniet word. Dít is die universele ding van kos wat ons almal bind, want kos is onlosmaaklik deel van ons menswees.
In dié tweede uitgawe van Koningskos, Kuier se enigste glanstydskrif, deel ons hierdie verskeidenheid. So probeer gerus ons wêreldspyskaart, leer hoe om met wyn en vrugte te kook, en as jy lus vir iets soets, is daar ’n verskeidenheid resepte om van te kies en te keur.
Lees ook lekker aan die wonderlike kosen wynstories!