PRUIM-TARTE TATIN
Lewer 1 groot tert
BESTANDDELE
½ koppie suiker
2 eetlepels sagte botter
Sap van
½ suurlemoen
7 pruime (mediumgrootte), gehalveer en pitte verwyder
1 rol blaardeeg (puff pastry), ontvries
METODE
Voorverhit die oond tot 200 °C. Prut die suiker, botter en suurlemoensap in ’n pan met ’n oondvaste handvatsel, prut totdat dit begin karamelliseer en haal dit van die stoof af. Pak die pruime met vleiskant na onder in die karamel. Sny ’n sirkel uit die deeg – effens groter as die omtrek van die pan. Sit die deeg bo-oor die pruime en druk die rande knus in. Verlaag die oondtemperatuur na 150 °C en bak vir 15 – 20 minute. Laat rus vir 5 minute. Sit ’n bord bo-oor die pan en keer die pan om om die tert op die bord te kry. Wees versigtig, want warm suikerstroop brand baie seer. Bedien met room of roomys.