RATATOUILLE

(Groentebredie) Genoeg vir 6

BESTANDDELE

2 eiervrugte

6 roma-tamaties

4 patty pans (vlapampoentjies)

2 groot murgpampoentjies

Sous

2 eetlepels olyfolie

1 ui, gekap

4 knoffeltoontjies, gekap

1 rooi en geel soetrissie elk, opgesny

Sout en grofgemaalde swartpeper na smaak

1 x 410 g-blik tamaties, gekap

2 eetlepels basiliekruidblare (basil), gekap

Kruiemengsel

2 eetlepels vars basiliekruidblare (basil), opgesny

1 teelepel fyn knoffel

2 eetlepels pietersielie, gekap

2 eetlepels vars tiemie

Sout en peper na smaak

4 eetlepels olyfolie

METODE

Voorverhit oond tot 190 °C. Sny die eiervrugte, tamaties, patty pans en murgpampoentjies in dun skywe.

Sous: Soteer die uie, knoffel en soetrissies in olyfolie tot sag. Gebruik ’n oondvaste plat pot of diep pan. Geur met sout en peper en voeg die tamaties by. Roer goed deur en voeg die basiliekruidblare by. Maak die oppervlak van die sous gelyk. Rangskik die gesnyde groente bo-op die sous. Geur met sout en peper. Bedek met foelie en bak vir 40 minute. Verwyder foelie en bak vir 20 minute. Kruiemengsel: Meng al die bestanddele en giet oor die gaar gereg. Bedien warm as ’n bykos of as hoofgereg. Dit maak ook ’n uitstekende sous vir pasta.