THANKSGIVING: KALKOEN

WENK Vir ’n tikkie feestelikheid, sif eetbare goue glitter oor die pampoentert.

Genoeg vir 6 – 8

BESTANDDELE

1 kalkoen, ontvries

Sout en peper na smaak ’n Paar skeute olyfolie

METODE

Geur die kalkoen met sout en peper en sit dit dan in ’n oondskottel wat groot genoeg is. Bedruip liggies met olyfolie. Voorverhit die oond tot 230 °C. Sodra die oond warm genoeg is, verlaag die hitte tot 180 °C en sit die kalkoen dadelik in die oond. Dít sal verseker dat die kalkoen se vel bruin raak en dan teen laer temperatuur deurgaar raak. Rooster die kalkoen vir omtrent 25 minute per kilogram. Die totale gaarmaaktyd sal afhang van die gewig van die kalkoen. Aan die einde van die gaarmaaktyd, haal die skottel uit die oond en laat die kalkoen vir omtrent 15 minute rus voordat jy dit sny. Bedien met die pampoentert en bosbessiesous. As jy verkies, kan jy gravy maak, maar dis nie nodig nie.