PAMPOENTERT
Lewer 1 groot tert
BESTANDDELE
1 rolletjie broskorsdeeg (shortcrust pastry), ontvries
2 koppies gaar pampoen, afgekoel
1 blikkie kondensmelk
2 eiers, geklits
1 teelepel fyn kaneel
¼ teelepel fyn naeltjies
½ teelepel fyn gemmer
½ teelepel fyn neutmuskaat (nutmeg)
½ teelepel sout
METODE
Voer ’n gesmeerde tertbord met die broskorsdeeg. Voer dit met bakpapier en vul met droë bone. Bak die tertkors vir 5 – 7 minute by 180 °C. Haal uit die oond, verwyder die bone en bakpapier en laat staan om effens af te koel. Meng die pampoen, kondensmelk, eiers en die speserye goed. Giet die vulsel in die tertkors en bak by 180 °C vir 35 – 40 minute. Die vulsel moet gestol wees en ’n sosatiestokkie behoort skoon uit te kom as jy dit toets. Laat koel effens af. Bedien met kalkoen en bosbessiesous.