WRAPS, PRAWNS & VRUGTESLAAI

Genoeg vir 4 BESTANDDELE

Salsa 1 ryp papaja, geskil, pitte verwyder en in klein stukkies gesny 2 nektariens, pitte verwyder en in stukkies gesny

3 kleinerige stingeluie (spring onions), fyngekap

1 eetlepel vars lemmetjiesap

(of gelyke dele suurlemoen- en lemoensap)

1 eetlepel vars koljander, gekap 1 teelepel Tabascosous Prawns 2 eetlepels botter

450 g prawns, pypies en doppe verwyder, hou die stertjies aan 2 eetlepels olie

2 knoffeltoontjie, gekneus en fyngekap

1 rooi brandrissie, saadjies en membrane verwyder en fyngekap

Sout en varsgemaalde swartpeper na smaak

Gerasperde skil van 1 suurlemoen

1 eetlepel suurlemoensap

Vars koljanderblare, gekap Samestelling 8 mini-tortillas of -wraps Slaaiblare van jou keuse

METODE

Salsa: Meng al die bestanddele vir die salsa in ’n bak, bedek met kleefplastiek en verkil in die yskas.

Prawns: Verhit die botter en olie in ’n groot pan. Braai die knoffel en rissie vir ’n minuut of twee en voeg die prawns by. Geur met sout en peper en braai vir 3 – 4 minute tot net-net gaar. Sprinkel die suurlemoenskil en -sap en koljanderblare bo-oor. Rooster die tortillas in ’n droë pan. Rangskik die blare op elke mini-wrap, ’n skeppie salsa en ’n paar prawns bo-op.