PEER-EN-NOUGAT-FRANGIPANE-TERT
Lewer 1 tert BESTANDDELE
Kors 450 g ongesoute botter, teen kamertemperatuur
340 g versiersuiker (icing sugar) Skil van ’n ½ lemoen en suurlemoen elk, gerasper
2 eiers
½ teelepel sout
750 g koekmeel
110 g mielieblom (Maizena) Amandelroom 250 g ongesoute botter, sag
250 g versiersuiker (icing sugar) Skil van ½ suurlemoen, gerasper 320 g amandelmeel
½ teelepel sout
250 g eiers
25 g koekmeel
Samestelling
2 pere, in skywe gesny
1 x 75 g-Damascus nougat, in blokkies gesny
¹/ amandelvlokkies
METODE
Kors: Verroom die botter, suiker en skil in ’n voedselverwerker. Voeg die eiers een vir een by en meng. Sif die sout, koekmeel en mielieblom by. Pols saam tot ’n deeg. Knie die deeg verder. Maak ’n reghoek met die deeg, draai dit toe in clingwrap en laat rus vir 1 uur in die yskas. Amandelroom: Verroom die botter, suiker en skil in ’n voedselverwerker. Voeg die amandelmeel en sout by. Voeg die eiers een vir een by en meng ná elke byvoeging. Vou die meel in. Giet die amandelroom in ’n lugdigte houer en hou in die yskas.
Samestelling: Strooi meel op jou werkoppervlak en rol die deeg so dik soos jy wil. Dit moet ook groot genoeg wees vir die tertbord. Druk die deeg in die bord. Vul die tert met die room, pere en nougat-blokkies. Sprinkel die amandelvlokkies bo-oor. Bak die tert vir 45 minute of tot goudbruin by
170 °C. Bedien met vars room en versiersuiker. >>