MELKTERTKOEK
Maak 1 koek BESTANDDELE
Kors 250 g (270 ml) sagte botter 300 g (535 ml) koekmeel, plus ekstra vir uitrol
240 g (285 ml) strooisuiker (castor sugar)
10 ml bakpoeier
1 ml sout
2 eiers, geklits Vulsel 80 g (140 ml) koekmeel
250 g (295 ml) strooisuiker (castor sugar)
4 eiergele
5 ml vanieljegeursel
(vanilla essence)
1 000 ml melk
Versiersuiker (icing sugar) vir oorsif
METODE
Kors: Verhit die oond tot
180 °C. Sit die botter, meel, strooisuiker, bakpoeier en sout in ’n voedselverwerker en pols op hoë spoed tot gemeng. Voeg die eiers by terwyl die menger loop en meng totdat die bestanddele ’n deegbal vorm. Sit die deeg vir 20 minute in die yskas en verdeel dit in 7 ewe groot porsies. Spuit 8 velle bakpapier goed met kleefwerende kossproei. Plaas een deegbal op ’n vel papier en bestrooi goed met meel. Plaas nog ’n vel bakpapier bo-op en rol uit tot 5 mm dik. Verwyder die boonste papier en plaas die deeg op die onderste papier op ’n bakplaat. Bak vir 8 – 10 minute of tot goudbruin. Herhaal met die res van die deeg.
Vulsel: Klits die meel, strooisuiker, eiergele en vanielje saam in ’n mengbak. Verhit die melk in ’n pot tot kookpunt en giet dit oor die eiergeelmengsel terwyl jy roer. Gooi die mengsel terug in die pot en roer met ’n draadklitser oor lae hitte tot dit verdik soos witsous. Kook vir 5 minute tot gaar. Plaas kleefplastiek direk op die gaar mengsel en laat afkoel tot koud. Verwyder die plastiek en skep die mengsel in ’n spuitsak met ’n 1 cm-tuit. Plaas die eerste koeksirkel op ’n bord, spuit van die vulsel in ’n spiraal daaroor en plaas ’n tweede sirkel bo-op. Herhaal tot al die sirkels en vulsel gebruik is. Sif versiersuiker bo-oor die koek en sit voor.