GRENADELLATERT
Maak 1 tert BESTANDDELE
200 g-pak klapperkoekies (Tennis biscuits)
1 x 80 g-boksie grenadella geurjellie
200 ml kookwater
1 x 365 g-blik kondensmelk 60 ml vars suurlemoensap
500 ml grenadellajogurt
Pulp van 20 grenadellas
METODE
Voer die bodem van ’n 20 x 20 cm-tertbak uit met ’n laag koekies en maak ook koekies regop staan reg teen die rand van die bak. Maak die jellie aan met die kookwater en laat afkoel tot kamertemperatuur, maar nie gestol nie. Klits die kondensmelk en suurlemoensap saam tot ’n gladde, romerige mengsel. Roer die afgekoelde jellie en die jogurt by tot glad. Giet die mengsel in die kors en laat stol in die yskas. Skep die grenadellapulp bo-op en sit voor.
Myma sou soms die tert in glaskoppies laat stol soos ’n trifle sodat elke gas sy eie een ná ete kon geniet. HERMAN LENSING