CHORIPÁN
(Chorizo-toebroodjie) Genoeg vir 4
BESTANDDELE Chimichurri-salsa
½ koppie pietersielie, gekap
2 eetlepels vars origanum, gekap
4 knoffeltoontjies, gerasper
½ koppie grasuie (chives), fyngekap
1 rooi rissie, sade en wit deeltjies verwyder en gekap
2 eetlepels rooiwynasyn
1 eetlepel suurlemoensap
½ koppie olyfolie ’n Knippie sout
Broodjie
4 x 7 cm chorizo-worsies
4 hot dog rolls of ’n Franse brood, in vier stukke gesny
Botter vir die rolls
METODE
Salsa: Skud al die bestanddele goed saam in ’n flessie. Verkoel tot benodig.
Broodjie: Halveer die worsies in die lengte. Rooster die chorizo in ’n pan of oor die kole tot deurwarm. Sny die brood of rolls oop en smeer met botter. Smeer ’n lepel salsa op die onderste helfte van die roll, sit die warm chorizo daarop en skep nog salsa oor. Bedien dadelik.
WENK
Vir ’n snack plate kan jy die broodjies in kleiner stukkies sny.