GEROOSTERDE VARKLENDE, CRACKLING EN PYNAPPEL
Genoeg vir 4 BESTANDDELE
2 koppies pynappelsap 3 eetlepels esdoringstroop (maple syrup)
3 knoffeltoontjies, gekneus en fyngekap
5 steranysblommetjies 2 kaneelstokkies
3 groot rooi brandrissies, saadjies en membrane verwyder en grofgekap
1½ kg varklende (pork loin), vel afgehaal (hou eenkant vir die cracklings)
’n Handvol growwe sout 2 eetlepels balsemieke asyn 12 pynappelringe, sonder stronk
METODE
Meng die pynappelsap, esdoringstroop, knoffel, steranys, kaneel en rissie in ’n groterige glasmengbak. Gebruik ’n skerp mes en steek diep kepe oraloor in die varklende. Sit die lendestuk in die marinade, rol dit ’n bietjie rond sodat heeltemal bedek is. Bedek die bak met kleefplastiek en laat staan oornag in die yskas. Sit die vleis in ’n oondroosterpan en giet die marinade oor en rondom die vleis. Bedek die pan met foil en sit in ’n voorverhitte oond van 200 °C. Haal die foil af ná 50 – 60 minute, bedruip die varklende met die pansappe en rooster só onbedek vir 30 – 35 minute. Haal die pan uit die oond, gooi die pansappe af en bedek die vleis lossies met die foelie. Laat rus vir 10 minute.
Samestelling: Roer die asyn by die pansappe en giet dit in ’n sousbakkie. Sny die varkvel in repe en sit dit op ’n bakplaat met ’n randjie. Verf die repe met water en sprinkel die growwe sout oor. Verhit die roosteroond tot 200 °C en rooster vir ongeveer 20 minute of tot goudbruin en bros. Sny die varklende in skywe. Pak drie pynappelskywe op elk van vier borde en sit ’n skyf of twee van die varklende bo-op. Bedruip met die sous en versier met ’n reep of twee van die cracklings. Bedien met ’n kraakvars groenslaai.