KAAS-EN-KRAPKOEKIES

Maak omtrent 20 BESTANDDELE

2 koppies krapvleis

¼ koppie gaar stokvis ½ koppie gaar aartappel, fyngedruk

¼ koppie wit cheddarkaas, gerasper

1 eier, liggies geklits

2 eetlepels grasuie (chives), gekap

1 teelepel sout

¼ teelepel swartpeper ¼ teelepel droë knoffelvlokkies 1 koppie broodkrummels

Olie vir vlakbraai

METODE

Meng al die bestanddele, behalwe die broodkrummels en olie, saam in ’n bak. ’n Vurk werk goed hiervoor. Verhit die olie oor matige hitte. Terwyl die olie warm word, skep teelepels vol van die mengsel in die krummels en bedek goed met die krummels. Herhaal met die res van die beslag. Vlakbraai die koekies in die olie tot goudbruin en gaar. Dreineer op kombuispapier. Bedien met mayonnaise en ’n slaai.

As jy nie vars naartjies kry om uit te druk nie, gebruik ’n mengsel van vars lemoenen suurlemoensap. KAREN HART