PAELLA
Genoeg vir 6 – 8 BESTANDDELE
3 eetlepels olyfolie 2 hoenderborsies, in dun repies gesny
1 groot ui, grofgekap 3 knoffeltoontjies, gerasper
2 ryp tamaties, gekap
Sout en peper na smaak 1 teelepel paprika
500 g gemengde seekos, ontvries 2 koppies gaar geelrys
½ koppie pitmielies
½ koppie bevrore ertjies 250 g mossels in halfskulp, ontvries
10 prawns, pypies uitgehaal en afgespoel
’n Handvol vars pietersielie, gekap
Vars suurlemoenskil, gerasper Suurlemoenskyfies vir versiering
METODE
Verhit die olie ’n groot, diep pan oor hoë hitte. Braai die hoender tot goudbruin en gaar. Skep dan uit en hou eenkant. Verlaag die hitte en voeg die uie, knoffel en tamaties by. Geur met sout, peper en paprika. Braai saam tot sag en voeg die seekosmengsel by en braai vir nog 5 minute. Pak nou die res van die bestanddele in lae bo op die tamatie, uie en seekos: Hoender, rys, mielies, ertjies, mossels en prawns. Sit die deksel op en stoom vir omtrent 10 minute. Sprinkel die pietersielie en suurlemoenskil oor en laat staan vir ongeveer 15 minute vir die geure om te ontwikkel. Versier warm met ekstra suurlemoenskyfies.