PAN BAGNAT

Genoeg vir 4

Die naam beteken, rofweg vertaal, klamgemaakte brood. Dit is ’n dag nadat jy dit voorberei het, eintlik op sy lekkerste.

BESTANDDELE

1 ronde (ongeveer 20 cm in deursnee) of langwerpige brood (ongeveer 30 cm lank) ¼ koppie olyfolie 2 eetlepels bruin asyn 1 knoffeltoontjie, fyngekap ¼ teelepel sout Swartpeper na smaak 3 rooiryp tamaties, in skyfies gesny ½ koppie vars basielieblare 1 eetlepel varsgekapte mintblare 1 blikkie tuna in olie, gedreineer en gevlok 1/3 koppie swart olywe, ontpit en fyngekap 2 stingeluie, fyngekap 1 eetlepel kappertjiesaad, gedreineer 1 hardgekookte eier, in skyfies gesny

METODE

Sny die brood horisontaal in die helfte deur. Gebruik jou vingers en skraap versigtig die sagte binneste uit (jy kan later broodkrummels daarvan maak om in frikkadelle of wat ook al te gebruik). Klits die olie, asyn, knoffel, sout en peper liggies saam totdat dit goed gemeng is. Gebruik omtrent ’n kwart van hierdie mengsel en verf liggies oor die brood. Pak ’n derde van die tamatieskywe op die onderste helfte van die brood en bedruip met die helfte van die oorblywende olie. Pak die helfte van die basilieblare en die hele eetlepel mintblare bo-op. Meng die tuna, olywe, stingelui en kappertjiesaad in ’n klein bakkie en skep dié mengsel bo-op die kruielaag. Rangskik die eierskyfies bo-op en pak die res van die tamaties en basilieblare bo-op. Bedruip met die oorblywende

olie. Bedek met die boonste helfte van die brood, draai goed toe in kleefplastiek en plaas in die yskas vir minstens 4 uur, maar verkieslik 24 uur. Sny die brood net voor opdiening in skywe.