Boodskap:

Wees ’n va­der soos God

Kuier - - Inhound - Deur ka­rel e­sau

Lu­kas 15:20 – 24 sê:“Toe hy nog ver aan­kom, het sy pa hom al ge­sien en hom in­nig jam­mer ge­kry. Hy hard­loop hom te­ge­moet, om­hels hom en soen hom. Toe sê die seun vir hom: ‘Pa, ek het teen God en teen Pa ge­son­dig. Ek is nie meer werd om Pa se seun ge­noem te word nie.’Maar sy pa roep sy werks­men­se:‘Maak gou! Bring kle­re, die bes­te, en trek dit vir hom aan; sit vir hom ’n ring aan sy vin­ger en trek vir hom skoe­ne aan! En bring die vet­ge­maak­te kalf, slag hom, en laat ons eet en fees­vier! Hier­die seun van my was dood, en hy le­we weer; hy was ver­lo­re, en ek het hom te­rug­ge­kry.’Toe het hul­le be­gin fees­vier.”(Lu­kas 15:20 – 24)

Nog ’n pa dui­send. Een wat on­ge­loof­lik seer­ge­maak is deur sy kind, maar steeds die top­punt van ge­na­de be­toon deur sy kind te ver­ge­we.

Wees ’n pa vir jou kin­ders soos wat God ’n pa vir ons is. Dit is se­ker mak­li­ker ge­sê as ge­daan! Aan die an­der kant, kan ek dalk sê dat ek nie my­self met God kan ver­ge­lyk nie. Dis waar, maar ons kan se­ker­lik leer by God die Va­der en ons kan leer uit wat ons in die By­bel lees oor hier­die ge­wel­di­ge sterk band tus­sen Je­sus en Sy Va­der. Je­sus wat al­les in to­ta­le toe­ge­wyd­heid vir Sy Va­der doen.

In Joh. 10 lees ons van Je­sus se ge­sprek met die Fa­ri­se­ërs waar Hy ver­dui­de­lik dat Hy net onder die ge­sag van Sy Va­der werk. Hier sien ons iets van Sy on­der­wer­ping aan ge­sag, Sy re­spek vir die Va­der, Sy lief­de vir die Va­der en Sy ge­hoor­saam­heid aan die Va­der.

Ons as aard­se pa’s het ’n be­paal­de rol, ’n ver­ant­woor­de­lik­heid, ’n ge­sags­po­si­sie en ’n op­drag. God hou ons ver­ant­woor­de­lik vir hier­die rol waar­in Hy ons ge­plaas het. Die vraag is net, wat maak ons daar­mee? Tot wat­ter ma­te voer ons hier­die ver­ant­woor­de­lik­heid uit? Je­sus het dik­wels by Sy Va­der se voe­te gaan sit. Dit im­pli­seer dat die Va­der al­tyd be­skik­baar was. Hoe be­skik­baar is ons vir ons kin­ders?

Je­sus het Sy Va­der goed ge­ken. Hoe goed ken ons kin­ders ons? God het Sy op­drag­te dui­de­lik vir Je­sus ge­gee. Hoe gee ons op­drag­te? Of moet Ma dit doen? Ken ons ons kin­ders? Je­sus sê,“Ek en die Va­der is een”. Wat ’n won­der­li­ke ver­hou­ding is dit nie.

En ken ons ons kin­ders? Is ons een? Wat­ter soort pa’s is ons?

Kan jy sien hoe­kom die He­re se be­doe­ling is dat die kin­ders in ’n sta­bie­le ge­sin groot­word waar Ma en Pa se rol­le ewe be­lang­rik is? On­ge­luk­kig word ver meer as die helf­te van kin­ders van­dag in en­kel­ou­er­hui­se groot en daar­om is dit ’n ge­wel­di­ge uit­da­ging vir die ma (wat ge­woon­lik die toe­sig het).

Daar is ook saam­ge­stel­de ge­sin­ne waar dit voel as­of niks werk nie, want “yours, mi­ne and ours”bring on­be­skryf­li­ke uit­da­gings te­weeg. Dalk is jy ge­skei en jou kin­ders bly nie meer by jou nie. Dalk is jou kin­ders al self pa’s. Dalk voel jy dat jy ge­faal het as pa.

Daar is nog tyd om reg te maak en om jou kind te leer soos dit in die By­bel staan: Spreu­ke 29:17:“Gee jou seun ’n goeie op­voe­ding en jy sal ge­rus wees oor hom; hy sal jou baie vreug­de ver­skaf.” Deut. 6:6 – 7:“Hier­die ge­booie wat ek jou van­dag ge­gee het, moet in jou ge­dag­tes bly. Jy moet dit in­skerp by jou kin­ders en met hul­le daar­oor praat as jy in jou huis is en as jy op pad is en as jy gaan slaap en as jy op­staan.”

Ons pro­beer eg­ter af­stands­on­der­rig gee. Ons dink ons kan ons kin­ders leer per e­pos, ons voor­beeld stel per SMS. Ons dink ons kan die op­voe­dings­taak vir on­der­wy­sers los. Wat ver­wag jy dan moet van ons kin­ders word?

“Ai, hier­die kin­ders van van­dag!”sê ons dan. En die kin­ders vra vir me­kaar,“Het jy ’n pa?”en men­se vra,“Wie is jou kind se pa?”.

Al sou ek die mooi­ste huis in die buurt hê en met die duur­ste BMW ry, maar my vrou en kin­ders ge­niet nie die weel­de van my teen­woor­dig­heid nie, dan is ek so waar­de­loos soos ’n bank­kre­diet met ’n nul­ba­lans. Al ken ek al die ge­hei­me­nis­se van die ef­fek­te­beurs en die re­ser­we­bank, en al be­sit ek al die ken­nis van rug­by- en krie­ket­re­ëls, maar ek het nie die lief­de om my kin­ders die ge­va­re van baie geld te leer, langs die baan te staan as hul­le speel of hul­le te leer bid nie, dan het ek niks be­reik nie.

My vriend, dit is nie te laat om die dra­de op te tel nie. ’n Ver­hou­ding word deur woor­de en ak­sies ge­breek en deur woor­de en ak­sies reg­ge­maak.

Hier­die maand is vir my baie spe­si­aal, daar­om deel ek hier­die Va­ders­dag­bood­skap met jul­le. Hier­die maand ge­niet ons Va­ders­dag en mag el­ke pa reg­oor die land be­derf word. Want ’n pa dra die kruis vir die he­le ge­sin.

*Ka­rel E­sau is ’n skry­wer wat reeds sy eer­ste Ge­loofs­bun­del uit­ge­reik het deur Mal­her­be Uit­ge­wers.

Daar­is­nog­ty­dom reg­te­maak­en om­jou­kind­te­leer soos­ditin­dieBy­bel­staan.

Newspapers in Afrikaans

Newspapers from South Africa

© PressReader. All rights reserved.