Hoe werk jou voete?

Met behulp van jou senings, ligamente en spiere in jou voet, bly die voetbene in ’n“voetvorm”. Dit is die begin van die normale werking van jou voet. Dít is hoe jy stap vir stap ’n tree gee:

1. Jou hak raak eerste aan die grond. Jou hakbeen en die laag onder jou voet absorbeer van die impak.

2. Terwyl jou voet op die buiterand rol, rek die weefselband (plantar fascia) onder jou voet.

3. Daarna beweeg jou gewig na die bal van jou voet en oor die gewrigte wat deur die metatarsale bene gevorm word na die falanksbene.

4. Daarna is jou groottoon in die posisie om jou weg van die grond af te stoot.

5. Laastens lig jou hakskeensening (ook die Achillespees genoem) jou hak.

6. Kyk nou! Jy het ’n tree gegee.